Posts
Wednesday 17 April 2013
Tuesday 16 April 2013
آنکھیں بند کر نے سے کام نہیں چلے گا، کوئی نو گو ایریا نہیں ہونا چاہیے، ایس ایچ او کا بیان پی پی کیخلاف بیان حلفی ہے
اسلام آباد : سپریم کورٹ آف پاکستان نے کراچی بدامنی کیس کی سماعت کے دوران ایک بار پھر ٹارگٹ کلنگ کے تمام ملزمان کی گرفتاری کا حکم
دیتے ہوئے کہا ہے کہ لگتا ہے کراچی میں اب کوئی اور بڑی چھتری پولیس پر اثرانداز ہو رہی ہے ، آنکھیں بند کرنے سے کام نہیں چلے گا۔ سندھ حکومت بتا دے کس کو بلانا ہے، آرڈر کر دیں گے، کسی بھی علاقے میں نو گوایریا نہیں ہونا چاہیے۔ ایس ایچ او کا بیان پیپلزپارٹی کے خلاف بیان حلفی ہے ہم نے پن پوائنٹ کر دیا ہے سب کچھ سیاسی طور پر ہو رہا ہے۔ پولیس سیاسی لوگوں پر کیوں ہاتھ نہیں ڈالتی؟ جبکہ ایس ایچ او تھانہ چاکیواڑہ کے اعتراف کیا ہے کہ لیاری میں جرائم پیشہ افراد کو پیپلز پارٹی کی حمایت حاصل ہے۔ کراچی شہر کے سات تھانوں کی حدود میں نوگو ایریاز موجود ہیں۔ چاکیواڑہ میں کرفیو لگا کر آپریشن کیا جائے تو علاقہ کلیئر ہو سکتا ہے۔ منگل کو چیف جسٹس افتخار محمد چودھری کی سربراہی میں 5رکنی لارجر بنچ نے کراچی بدا منی عملدرآمد کیس کی سماعت کی۔ سماعت شروع ہوئی تو سندھ پولیس نے سپریم کورٹ میں رپورٹ جمع کرائی ہے کہ کراچی میں کل 106تھانے ہیں اور 7تھانوں کی حدود میں جزوی نوگوایریاز موجود ہیں۔ چیف جسٹس نے استفسار کیا کہ ان پولیس اسٹیشنز کے نام بتائیں جن کی حدود میں نوگوایریاز ہیں کسی علاقے میں ایک بھی نوگوایریا نہیں ہونا چاہیے۔ سندھ حکومت کے وکیل شاہ خاور نے بتایا کہ تھانہ پی آئی بی کالونی ایسٹ، تھانہ سچل، تھانہ سہراب گوٹھ ڈسٹرکٹ ملیر، تھانہ کلاکوٹ ساؤتھ کراچی، تھانہ چاکیواڑہ اور ویسٹ کراچی کے تھانہ پیر آباد اور تھانہ منگو پیر میں نوگوایریاز ہیں۔ چیف جسٹس افتخار محمد چودھری نے کہا کہ گزشتہ سماعت پر ڈی آئی جی ذوالفقار نے کہا کہ سیاسی چھتری نہیں۔ لگتا ہے کہ اب کوئی اور بڑی چھتری پولیس پر اثرانداز ہو رہی ہے۔ عدالت میں ایم کیو ایم رابطہ کمیٹی کی ڈپٹی کنوینر نسرین جلیل کا چیف جسٹس کو لکھا گیا خط پڑھ کر سنایا گیا جس میں کہا گیا کہ طالبان نے کراچی میں مضبوط ٹھکانے بنا رکھے ہیں وہ بھتہ خوری اور بینک ڈکیتیوں میں ملوث ہیں۔ طالبان نے کراچی میں متوازی عدالتی نظام بنا رکھا ہے۔ جسٹس اعجاز چودھری نے کہا کہ ایم کیوایم کئی سال سے حکومت میں ہے، کراچی میں امن بحالی کیلئے خط عدالت کو لکھا جا رہا ہے جو جماعت پانچ سال تک حکومت میں رہی ہے وہ اب عدالت سے کہہ رہی کہ کراچی کا امن بحال کیا جائے۔ انہوں نے کہا کہ ہماری اطلاعات کے مطابق سندھ کے نگراں وزیراعلیٰ بھی ایم کیو ایم کی مشاورت سے مقرر ہوئے ہیں۔ چیف جسٹس افتخار محمد چودھری نے کہا کہ یہ وہی پولیس ہے جو پانچ سال سے تھی، نگران سیٹ اپ تو اب آیا ہے۔ عدالت میں کلاکوٹ تھانہ کے ایچ ایس او نے کہاکہ35فیصد علاقہ جرائم پیشہ افراد سے متاثر ہے۔ چیف جسٹس نے کہا کہ پولیس اپنے منہ سے مان رہی ہے کہ 35فیصد نوگو ایریا ہے جرائم پیشہ افراد کو سیاسی لوگوں کی پشت پناہی ہے تو پولیس کیوں ہاتھ نہیں ڈالتی۔ آئی جی پولیس چاہئیں تو شام تک علاقہ کلیئر ہو سکتا ہے۔ چیف جسٹس نے سخت برہمی کا اظہار کرتے ہوئے کہاکہ ریاست کی اتھارٹی کہاں ہے؟ آئی جی سندھ اور سابق چیف سیکرٹری لکھ کر دیں کہ کراچی میں نو گو ایریاز ختم ہو گئے ہیں۔ چیف جسٹس نے کہا کہ عدالت نے تمام نو گوایریاز ختم کرنے اور تھانوں کی دوبارہ حد بندی کو حکم دیا تھا، عمل کیوں نہیں کیا گیا۔
سید گئی پوسٹ پر بمبار نے خود کو اڑا لیا، 4 اہلکار زخمی ‘سر کاری ذرائع‘ دھماکے کی آواز دور دور تک سنی گئی
میرانشاہ (مانیٹرنگ ڈیسک) شمالی وزیرستان میں چیک پوسٹ پر خودکش حملہ کے نتیجے میں تین سکیورٹی اہلکار شہید اور چار زخمی ہوگئے۔ سرکاری ذرائع کے مطابق شمالی وزیرستان میں سیدگئی چیک پوسٹ پر دھماکہ اس وقت ہوا جب خودکش نے چیک پوسٹ پر حملہ کر دیا، دھماکے کی
آواز دور دور تک سنائی دی گئی۔ دھماکے میں زخمی ہونے والوں کو میرانشاہ اسپتال منتقل کر دیا گیا۔ واقعے کے بعد میرانشاہ روڈ کو ہر قسم کی ٹریفک کے لیے بند کر دیا گیا ہے
آواز دور دور تک سنائی دی گئی۔ دھماکے میں زخمی ہونے والوں کو میرانشاہ اسپتال منتقل کر دیا گیا۔ واقعے کے بعد میرانشاہ روڈ کو ہر قسم کی ٹریفک کے لیے بند کر دیا گیا ہے
پشاور (کرائم رپورٹر، بیورو رپورٹ) پشاور میں یکہ توت کے علاقہ منڈا بیری میں عوامی نیشنل پارٹی کی کارنر میٹنگ کے دوران خودکش دھماکے سے 18 افراد جاں بحق اور 45 سے زیادہ زخمی ہوئے ہیں۔ جاں بحق ہونے والوں میں پانچ پولیس اہلکار اور ایک صحافی بھی شامل ہیں۔ پولیس کے مطابق اندرون شہر کے علاقہ مندابیری میں انتخابی مہم کے سلسلہ میں اے این
پی کی کارنر میٹنگ جاری تھی جہاں پارٹی کے مرکزی رہنما اور سابق وفاقی وزیر ریلوے غلام احمد بلور بھی شریک تھے۔ پولیس کے مطابق خودکش حملہ آور نے خود کو دھماکے سے ا ڑایا جس کے نتیجے میں 16 افراد جاں بحق اور 45 سے زیاد زخمی ہوئے۔ جاں بحق ہونے والوں میں ایک مقامی صحافی بھی شامل ہے جبکہ زخمی ہونے والوں میں ایک نجی ٹی وی چینل کار رپورٹر بھی شامل ہے۔ دھماکے غلام احمد بلور دھماکے میں معجزانہ طور پر بچ گئے ا ور انہیں معمولی زخم آئے۔ اے آئی جی بم ڈسپوزل یونٹ شفقت ملک کے مطابق دھماکہ خود کش تھا جس میں 5 سے 6 کلوگرام بارودی مواد استعمال کیا گیا ہے۔ شفقت ملک کے مطابق حملہ آور کی ٹانگیں بھی ملی ہیں۔ دوسری جانب خود کش حملہ کی ذمہ داری طالبان نے قبول کی ہے۔ دھماکے میں پانچ سے چھ کلو گرام دھماکہ خیز مواد استعمال کیا گیا ٗہارون بلور کی گاڑی مکمل طور پر تباہ ہوگئی،خود کش حملہ آور کی ٹانگیں اور سر مل گیا۔ تفصیلات کے مطابق دھماکہ منگل کی شب یکہ توت میں ہوا جہاں نزدیک ہی صوبہ خیبر پختونخوا کی سابق حکمران جماعت اے این پی کا جلسہ ہو رہا تھا۔ جلسے میں اے این پی کے رہنما اور سابق وزیر ریلوے غلام احمد بلور اور ان کے بھتیجے اور صوبے کے سابق سینئر وزیر بشیر بلور کے بیٹے ہارون بلور شریک تھے۔ ادھر عوامی نیشنل پارٹی کے رہنما اسفند یار ولی نے دھماکے کی کارروائی پر شدید غم و غصہ کا اظہار کرتے ہوئے کہا کہ عوامی نیشنل پارٹی کے رہنماؤں کو روزانہ دہشتگردی کا نشانہ بنایا جا رہا ہے دہشتگردی کے حوالے سے الیکشن کمیشن کو خط بھی لکھا ہے جس کی کاپی وزیر اعظم کو بھی بھیجی گئی تھی مگر کوئی نوٹس نہیں لیا گیا۔ انہوں نے ایک بار پھر مطالبہ کیا کہ نگران حکومت عوامی نیشنل پارٹی کے رہنماؤں اور امیدواروں کو تحفظ فراہم کرے۔ دریں اثنا صدر آصف علی زرداری، نگران وزیر اعظم میر ہزار خان کھوسو نے دھماکے کی مذمت کرتے ہوئے رپورٹ طلب کر لی ہے۔ صدر زرداری نگران حکومت اور سیاسی رہنماؤں نے دہشتگردی کے واقعہ کو انتخابات کے عمل کو سبوتاژ کرنے کی کوشش قرار دیا۔ صدر آصف علی زر داری، نگران وزیر اعظم میر ہزار خان کھوسو، نگران وزیر اعلیٰ طارق پرویز، نگران وزیر اعلیٰ پنجاب نجم سیٹھی، نگران وزیر اعلیٰ بلوچستان، نگران وزیر اعلیٰ سندھ، گورنر سندھ ڈاکٹر عشرت العباد، چیئرمین سینٹ نیئر حسین بخاری، سپیکر قومی اسمبلی ڈاکٹر فہمیدہ مرزا، ایم کیو ایم کے قائد الطاف حسین، مسلم لیگ (ن)کے رہنما میاں نواز شریف، میاں شہباز شریف، تحریک انصاف کے سربراہ عمران خان، عوامی نیشنل پارٹی کے رہنما اسفند یار ولی، سابق وفاقی وزراء قمر زمان کائرہ، چودھری احمد مختار، اعجاز الحق، شیخ رشید، مولانا فضل الرحمن، سید منور حسن سمیت متعدد سیاسی ومذہبی رہنماؤں نے دھماکے کی مذمت کی ۔ صدر مملکت آصف علی زرداری نے عوامی نیشنل پارٹی کے جلسے اور پاکستان مسلم لیگ (ن) بلوچستان کے صدر سردار ثنا اللہ خان زہری کے قافلہ پر خضدار میں حملہ کی مذمت کرتے ہوئے متعلقہ حکام کو افسوسناک واقعہ کی رپورٹ پیش کرنے اور صوبائی حکومت اور متعلقہ حکام کو زخمیوں کو بہترین طبی سہولیات فراہم کرنے کی ہدایت کی۔ سوگوار خاندانوں سے دلی ہمدردی کا اظہار کرتے ہوئے صدر نے اس عزم کا اعادہ کیا کہ حکومت دہشت گردی کے خلاف جنگ کو اس کے منطقی انجام تک پہنچائے گی اور شدت پسندوں کی ایسی بزدلانہ کارروائیاں حکومت کے عزم کو متزلزل نہیں کر سکتیں۔ انہوں نے کہا کہ اللہ تعالیٰ مرحومین کو اپنے جواررحمت میں جگہ دے اور پسماندگان کو صبرجمیل عطا کرے۔ وزیراعظم میر ہزار خان کھوسو نے عوامی نیشنل پارٹی کے جلسے اور مسلم لیگ (ن) کے رہنما ثناء اللہ زہری کے قافلہ پر حملہ کی شدید مذمت کرتے ہوئے وزیر داخلہ اور صوبائی حکومت کو واقعہ کی جامع رپورٹ پیش کرنے کی ہدایت کی ہے۔ اپنے بیان میں وزیراعظم نے حملہ میں ثناء اللہ زہری کے بھائی، بھتیجے اوربیٹے کی ہلاکت پر دکھ اور صدمہ کا اظہار کرتے ہوئے ہدایت کی کہ تمام سیاسی رہنماؤں کی سکیورٹی بڑھائی جائے اور اس طرح کے واقعات سے بچنے کیلئے مناسب انتظامات کئے جائیں۔ انہوں نے حکام کو ہدایت کی کہ ثناء اللہ زہری کے تعاون سے زخمیوں کو ہرممکن مدد فراہم کی جائے۔ وزیراعظم نے دعا کی کہ اللہ تعالیٰ جاں بحق ہونے والوں کی روح کو اپنی جوار رحمت میں جگہ دے اور سوگوار خاندانوں کو یہ صدمہ برداشت کرنے کاحوصلہ دے۔
عوام نااہل حکمرانوں سے لوڈشیڈنگ عذاب کا حساب لینگے: شہباز شریف
زربابا چالیس چوروں نے ملکی وسائل کو نہ لوٹا ہوتا تو قوم کو اندھیروں کا سامنا نہ کرنا پڑتا
لاہور (وقائع نگار خصوصی) سابق وزیراعلیٰ محمد شہباز شریف نے کہا ہے کہ آمرمشرف اور پیپلزپارٹی کی کرپٹ حکومتوں نے پاکستان کو کئی عشرے پیچھے دھکیل دیا۔ اس وقت ملک جس سنگین صورتحال سے نکالنے کے لیے مسلم لیگ (ن) کا اکثریت سے حکومت میں آنا ضروری ہے کیونکہ 98ء میں جب نواز شریف دوتہائی اکثریت سے
حکومت میں تھے تو ہم نے پاکستان کا دفاع مضبوط بنانے کے لیے 28ء مئی 1998ء کو ایٹمی دھماکے کیے اور اب گیارہ مئی کا الیکشن جیت کر مسلم لیگ ن پاکستان کو خوشحال بنانے کے لیے معاشی دھماکے کرے گی۔ گزشتہ روز کارکنوں سے خطاب کرتے ہوئے انہوں نے کہا کہ پیپلزپارٹی نے اپنے دور میں چن چن کرقومی ادارے تباہ کیے اور آج سٹیل ملز، پی آئی اے اور ریلوے جیسے محکمے بدترین تباہی کا منظر پیش کر رہے ہیں۔بدقسمتی کی انتہا یہ ہے کہ نیب سمیت جو محکمے کرپشن کو روکنے کے ذمہ دار تھے آج کرپٹ حکمرانوں کے مالی مفادات کا تحفظ کر رہے ہیں۔ انہوں کہا کہ پیپلزپارٹی کے حکمرانوں کا لوٹ مار کا کمایا ہوا سرمایہ اب الیکشن مہم پربے دریغ خرچ کر کے بڑے بڑے اشتہارات کے ذریعے عوام کو گمراہ کرنے کی کوشش کی جا رہی ہے مگر یہ کوشش کامیاب نہیں ہو گی۔ انہوں نے کہا کہ اگر زربابا چالیس چوروں نے ملکی وسائل کو بے دردی سے نہ لوٹا ہوتا تو قوم کو آج لوڈشیڈنگ کے اندھیروں کا سامنا نہ کرنا پڑتا۔ پاکستانی قوم آنے والے انتخابات میں نااہل حکمرانوں سے لوڈشیڈنگ کے عذاب کا حساب لے گی۔ انہوں نے کہا کہ 1999ء کے اواخر میں مسلم لیگ (ن) کی حکومت کے خلاف بغاوت کے وقت پاکستان کی بجلی کی پیداوار 7399 میگاواٹ تھی اور پاکستان بھارت کو بجلی برآمد کرنے کی پیش کش کر رہا تھا۔
شہباز شریف
زربابا چالیس چوروں نے ملکی وسائل کو نہ لوٹا ہوتا تو قوم کو اندھیروں کا سامنا نہ کرنا پڑتا
لاہور (وقائع نگار خصوصی) سابق وزیراعلیٰ محمد شہباز شریف نے کہا ہے کہ آمرمشرف اور پیپلزپارٹی کی کرپٹ حکومتوں نے پاکستان کو کئی عشرے پیچھے دھکیل دیا۔ اس وقت ملک جس سنگین صورتحال سے نکالنے کے لیے مسلم لیگ (ن) کا اکثریت سے حکومت میں آنا ضروری ہے کیونکہ 98ء میں جب نواز شریف دوتہائی اکثریت سے
حکومت میں تھے تو ہم نے پاکستان کا دفاع مضبوط بنانے کے لیے 28ء مئی 1998ء کو ایٹمی دھماکے کیے اور اب گیارہ مئی کا الیکشن جیت کر مسلم لیگ ن پاکستان کو خوشحال بنانے کے لیے معاشی دھماکے کرے گی۔ گزشتہ روز کارکنوں سے خطاب کرتے ہوئے انہوں نے کہا کہ پیپلزپارٹی نے اپنے دور میں چن چن کرقومی ادارے تباہ کیے اور آج سٹیل ملز، پی آئی اے اور ریلوے جیسے محکمے بدترین تباہی کا منظر پیش کر رہے ہیں۔بدقسمتی کی انتہا یہ ہے کہ نیب سمیت جو محکمے کرپشن کو روکنے کے ذمہ دار تھے آج کرپٹ حکمرانوں کے مالی مفادات کا تحفظ کر رہے ہیں۔ انہوں کہا کہ پیپلزپارٹی کے حکمرانوں کا لوٹ مار کا کمایا ہوا سرمایہ اب الیکشن مہم پربے دریغ خرچ کر کے بڑے بڑے اشتہارات کے ذریعے عوام کو گمراہ کرنے کی کوشش کی جا رہی ہے مگر یہ کوشش کامیاب نہیں ہو گی۔ انہوں نے کہا کہ اگر زربابا چالیس چوروں نے ملکی وسائل کو بے دردی سے نہ لوٹا ہوتا تو قوم کو آج لوڈشیڈنگ کے اندھیروں کا سامنا نہ کرنا پڑتا۔ پاکستانی قوم آنے والے انتخابات میں نااہل حکمرانوں سے لوڈشیڈنگ کے عذاب کا حساب لے گی۔ انہوں نے کہا کہ 1999ء کے اواخر میں مسلم لیگ (ن) کی حکومت کے خلاف بغاوت کے وقت پاکستان کی بجلی کی پیداوار 7399 میگاواٹ تھی اور پاکستان بھارت کو بجلی برآمد کرنے کی پیش کش کر رہا تھا۔
شہباز شریف
بلاول ہی پارٹی کی انتخابی مہم چلائینگے: قمرزمان کائرہ
اسلام آباد (این این آئی) پاکستان پیپلز پارٹی کے مرکزی سیکرٹری اطلاعات قمر زمان کائرہ نے کہا ہے کہ بلاول بھٹو زرداری پیپلز پارٹی کی انتخابی مہم چلائیں گے
باقی صفحہ 4بقیہ نمبر 11
، اس حوالہ سے کسی کو بھی غلط فہمی میں نہیں رہنا چاہیے۔ ایک انٹرویو میں انہوں نے کہا کہ ہماری قیادت دہشت گردی کی صورتحال کا سامنا کر رہی ہے تاہم ہم ایسی صورتحال سے خوفزدہ ہونے والے نہیں ہیں۔ انہوں نے کہا کہ آئین کے آرٹیکل 62 اور 63 پر اس کے حقیقی روح کے مطابق عملدرآمد کرانا چاہیے لیکن ریٹرننگ افسران کو امیدواروں سے بے تکے سوالات نہیں کرنے چاہئیں۔ ایک سوال کے جواب میں انہوں نے کہا کہ شہید ذوالفقار علی بھٹو اور شہید بینظیر بھٹو گزشتہ انتخابات کے مواقع پر بڑے بڑے جلسوں سے لیکن صورتحال کچھ مختلف ہے۔
اسلام آباد (این این آئی) پاکستان پیپلز پارٹی کے مرکزی سیکرٹری اطلاعات قمر زمان کائرہ نے کہا ہے کہ بلاول بھٹو زرداری پیپلز پارٹی کی انتخابی مہم چلائیں گے
باقی صفحہ 4بقیہ نمبر 11
، اس حوالہ سے کسی کو بھی غلط فہمی میں نہیں رہنا چاہیے۔ ایک انٹرویو میں انہوں نے کہا کہ ہماری قیادت دہشت گردی کی صورتحال کا سامنا کر رہی ہے تاہم ہم ایسی صورتحال سے خوفزدہ ہونے والے نہیں ہیں۔ انہوں نے کہا کہ آئین کے آرٹیکل 62 اور 63 پر اس کے حقیقی روح کے مطابق عملدرآمد کرانا چاہیے لیکن ریٹرننگ افسران کو امیدواروں سے بے تکے سوالات نہیں کرنے چاہئیں۔ ایک سوال کے جواب میں انہوں نے کہا کہ شہید ذوالفقار علی بھٹو اور شہید بینظیر بھٹو گزشتہ انتخابات کے مواقع پر بڑے بڑے جلسوں سے لیکن صورتحال کچھ مختلف ہے۔
Friday 12 April 2013
Subscribe to:
Posts (Atom)
